يا مهتوي للهجر وشلون هذا الفعل سويت=ذبحتني خاف ربك لا تمادى بالقساوه
ليتك عليَه بسكين الهجر والصد سميت=لكن طبعك شقاوي ومتعلق بالشـقاوه
تفرح ليا شفتني مجروح لا حيٍ(ن)ولا ميت=مفتون مغرم بحبك ما حواليَه رساوه
أبشرك حقق الله ما تريد وما تمنيت=بعدك كرهت الحياة ولا على الدنيا حلاوه
أون وأسهر وأغني للحون وعادي أزريت=والفكر صابه من التعكير من بعدك غباوه
نسيت حلو السنين الأوله مدري تناسيت=ما عاد باقي من رسوم الذكاء فيني ذكاوه
ما حيلتي غير مكثر بالونين وبالتناهيت=من حر مابي من الأشواق بتليها تلاوه
يا موجع القلب بالهجران ليت الصبر ياليت=ينفع يداوي جروحي كان زودته رهاوه
لكن حسافه أشوفك بالهجر فوقي تماديت=مدري حداك الزمن وإلا تعذبني فضاوه
النار تحرق خفوقي بالقهر مثل الكباريت=ماني بعارف طريق مواصلك دار وسماوه
ما حيلتي غير أسكت حرقتي بالشعر تسكيت=كل القصائد بعدكم مالها عندي طراوه
متى تعود تداوي خافقي من عقب ماأدميت=جرحك نقاوة وطبك يابعد عمري نقاوه
يا مهتوي للهجر وشلون هذا الفعل سويت=ذبحتني خاف ربك لا تمادى بالقساوه

المشاركة الأصلية كتبت بواسطة همسات شاعرية (المشاركة 194778) من روائعك قصيدة معبرة لافض فوك ما حيلتـي غيـر مكثـر بالونيـن وبالتناهيـت من حـر مابـي مـن الأشـواق بتليهـا تـلاوه يا موجع القلب بالهجران ليت الصبـر ياليـت ينفع يـداوي جروحـي كـان زودتـه رهـاوه صح لسانك تقبل مروري