ثقل دم العتاب وجف ريق القلم=القواميس خلص شعري حروفها
ما بقا غير كنزٍ(ن)من جروح وندم=خافية عن عيون الطب ما يشوفها
تنسف لكل حلوٍ(ن)مثل نسف اللغم=دمرت حلم روحٍ(ن)خالج لجوفها
عقبت في فؤادي يا زماني سقم=يأس روحي بوقتي قايم يحوفها
كل ما مر يومٍ(ن)ينتخي ويهدم=ما بنيته لحب الروح بطيوفها
غير لوجه حلمٍ(ن)بالفؤاد انرسم=المشاعر حيارى تصفق كفوفها
عقب غيبتك ياللي من قديم القُدم=الليالي تصعب دايم ظروفها
وأنت عندي على ما قيل عين وخشم=جوهرة في حياتي تبهر وصوفها
كل ما مر طيفك قلت له النعم=لو هجرك لروحي صيفه يلوفها
يا وجود الحياه ويا شبيه العدم=معك روحي وداعة وأنت ملهوفها
الجسد عارف إنه من هناك إنحرم=لا تلوع المشاعر جاك مخطوفها
لا تعود على قلبي سواة السهم=كان عادت بماش الروح بتعوفها
الوصل والتواصل مثل ذار النسم=في صدور الأحبة بان معروفها
وإن تماديت بغيابك وربي قسم=إنك الأول بنفسي ومالوفها
ثقل دم العتاب وجف ريق القلم=القواميس خلص شعري حروفها