يازهور العشق في روض الأمل=عانقي بالشوق قطرات الندى
عانقي ريم الفلا مهما حصل=روحي وحالي لها دار وفدا
واسأليها وش سبب كل الزعل=ليش قلب الحب غلفه الصدا
وإسأليها كان صايبها ملل=الملل للنفس ملعون الكدا
مهلكة للروح وأفعاله جلل=القلوب الحالمة تذهب سدا
من يصيبه يصبح بعقله خلل=الملل عدو وأشد العدا
ما تعالج علته كل الحيل=يورد المعلول لأحواض الردا
ثم هاتي لي خبر على عجل=أنتظر جيته وإلا مبعدا
هي تبي هجران وإلا للوصل=وحدة تختار من مد ومدا
منتظر مردودها سم وعسل=أي لونٍ(ن)كان لو كان أسودا
كل نفسٍ(ن)ما تروح اعن الأجل=راضيٍّ(ن)باللي كتبه الأوحدا
يازهور العشق في روض الأمل=عانقي بالشوق قطرات الندى