يا أهل البيوت اللي رفيع عمدها=سلام من طرقي مع الدرب مرار
هذي بداية والسوالف بعدها=اليا سمعت أخبار وأدليت بخبار

يامرحبا عداد ما ارعد رعدها=بالطرقي اللي ينحسب من هل الدار
قود المطية لا تقيد ليدها=ياللي تجيب أذمار وتودي أذمار

دام البقا والمعرفة من وجدها=تقعد بعده بتالي الوقت تذكار
الأم ما ترضى خلافة ولدها=والراس ما نرضى له الكي بالنار

المعرفة يا شاعر العرف قدها=وإن كان ما تقدر نخليك سمسار
ولد الرضية بالرضا ما جحدها=والراس ما ينقاس مليان بأفكار

بني البيوت أخير والاهددها=وإن كان هدت فوقكم يا ولد عار
تقعد وجيعة بالكبود ولهدها=ما ينسي يا صاحبي طول الأعمار

الحجة اللي ما توكد سندها=ما تنفع اللي قام يرقص على الطار
بتال بعض الخلق ربي قردها=ومن خالف الاسلام مثواه بالنار

العد يشرب جمها من وردها=ما تروي اللي يارده والرشا قصار
أنته تحسب الناس تنسى بلدها=والا الصقور تكب زينات الأوكار

دامك عرفت العلم للدرب ردها=لا تاقع بحفرة حفرها لك الفار
خل الصغار تموت داخل مهدها=أقبر علومك قبل ليجيك قبار

جرادنا شهب الشجاري حصدها=ياللي تحسبنك على القوم مغوار
ما تنفعك زرق العيون ومددها=لو يجتمع حولك ثمانين طيار

جرادكم بعد المقابر عبدها=ببيده بالسم في روس الأشجار
ياملة(ن)رب الخلائق فردها=طاعة بليس وخالفت درب الأخيار

أنت السبب بالأوله ثم بعدها=تأكل حلال أيتام وتذل قصار
والناس تدري بعلة موتسدها=لا تحسبن الناس عميان الأنظار

ماني سبب أنته ملوي عقدها=شبيتها مابين مسلم وكفار
تصلي صلاة محد قبلك سجدها=تعبد صنم مصنوع من صلب الأحجار