يابنت انا مشتاق والشوق قتال=قلبي لحم ماهو صخر ما يليني
اردد الآهات وابني للامثال=أبيات شعر نسجها من حنيني
ماعاد به خاطر يعرج على البال=الا لقيتك فيه يا نور عيني
مشغول بك وانته على الغير ميّال=منته بداري عن سبائب ونيني
عائش على الاحلام في كل الاحوال=اقول يمكن يوم خلي يجيني
ماني بجرف للمقفين هيّال=ولاني براجي واحد(ن)ما يبيني
وان كان مالي عندكم شف وإقبال=دع السهر والسر بينك وبيني
وليا دعاني صاحبي جيت رحّال=اجيه لو انه بحصن(ن) حصيني
تكفي لنا ساعة من الوقت لو طال=ساعة هنا تسوى حياة السنيني
امسح على الخدين واداعب الخال=واضمها فوق الصدر باليديني
في غمرة النشوة تنحي لنا الشال=واحتار ما بين النهد والجبيني
تمسي مثل بدر(ن) توارى ورا خيال=وانا بحشاها مثل طفل(ن) جنيني
وتصبح مثل شمس(ن) غدا دونها ظلال=وانا مثل غصن(ن) نما من عريني
أذرف دموع العين تجري بهمّال=دمع الفرح ما هي دموع الحزيني
واقول كان انك تغير بك الحال=تكفين بنت الشوق لاتفضحيني
من لا يحفظ السر ماهو برجال=الود في نفسي حبيس(ن) دفيني
اكتم رموز الحب عن كل عذال=من خلقتي حافظ لزيني وشيني

المشاركة الأصلية كتبت بواسطة ۞النجـــــم۞ (المشاركة 21848) حجز ملكي مانـي بـجـرف للمقفـيـن هـيّـال ولانـي براجـي واحد(ن)مـا يبينـي وان كان مالي عندكـم شـف وإقبـال دع السهـر والسـر بينـك وبيـنـي صح لسانك وعلا شأنك قصيدة جزلة لك تقديري

المشاركة الأصلية كتبت بواسطة binhlailبن هليــل (المشاركة 21917) مشكور وبيض الله وجهك قصيدة من الطراز الأول لك تقديري

المشاركة الأصلية كتبت بواسطة كامل الأوصاف (المشاركة 22172) صح لسانك جزلة من شاعر جزل ولاهي غريبه عليك لك كل التقدير