الفرق ما بين القمر وأنت والشمس=أكبر من اللي راسمه في خيالي
صدقت ما قالوه من قبلي الأنس=تغزلوا بالشمس وبدر الليالي
وين القمر والشمس من طلتك بس=طلتك منها النور وفيها جمالي
قبل معرفك أثرني متجه عكـس=ماني مع التيار ماشي لحالي
يافاتني بالذوق والتيه واللبس=ياحاكمي في ميلتي وإعتدالي
بعد سكنت بداخلي كنك النفس=وكاد بتعرف قوتي وإحتمالي
إغرس ورودك ياهوى داخلي غرس=تحت الحنايا الناحفات البوالي
ياثالث البدرين ميزت بالحس=اللي جعلك بداخل الروح غالي
والله عطاك الهمس وأعذب من الهمس=غنجك وبسماتك وزود الدلالي
والا العيون الخرس ويلاه يالخرس=لا سلهمت سهل عليك إحتلالي
ياللي حمست القلب خفف من الحمس=كانك تعرف الود فرفق بحالي
أنا على يدك تعلمت لي درس=إن الوفا لو قل ماهو محالي
الفرق ما بين القمر وأنت والشمس=ما تخلف الميعاد بأول وتالي
أنت الذي طلتك قانونها حدس=ما تضبط الميعاد ياهم لالي
مر(ن)تجي في دس وتروح في دس=وأحيان غيبتكم شهور طوالي

شكرا لك


سعدت بردك الوافي