الوقت ما هو سخي والحاجة أم الوجع = تاخذك لأقصى حدود الدمع وتصيحها
والناس ما عاد فيها للوجع متسع = شكواك تبقى رهينة لوّ بتبـيحها
غصن الكلام أنثنى والورق ياما سجع = عبر المدى والوجيه يضر تلميـحها
حتى نزل في الضمير الغبن ولا طلع = يا حيلة الصبر فقد الناس تجريحها
الحق منبوذ والباطل طغى وأبتلع = كل المآثر وأمورٍ ضاع ترجيحها
وإن قلت وين الحقيقة يا عشير السنع = تطلع لك أشياء كسر الروح تصحيحها
الصمت مثل المرارة بعد حد الشبع = والهرج ما يستر العالم وتقبيحها
والصبر يحتاج قلبٍ صلب ما ينطمع = والجرح شرخ القلوب وفقد ترويحها
يا ليل شابت نجومك في لسان الولع = والصبح غابت عصافيره وتلويحها
اليا بغيت أصدح بصوتي شرق وأنقطع = واليا سكتْ ألفت الدنيا مشاويحها

لـ الشاعرة : فتاة تهامة

العيب بنفوسنا والوقت ياما جمع=المشكلة بالقلوب صعيب تنقيحها
الناس ما تقتنع مشغولةٍ(ن)بالطمع=ماعاد به بالحياة أحوال بتريحها
كل غصن مهما تعلا في سماه بيقع=لا هب عصف الرياح يهون تطريحها
بعد الصعود الهبوط وكل لأصله رجع=العاصفة كان هبت انحن لريحها
لا تشتقي بالحياة اللي تسبب صرع=لا خربت طباع نفسك صعب تصليحها
دنيا غرورة وبعض الناس فيهم جشع=والأخرة حظ ناسٍ(ن)كثر تسبيحها
حب الملذات بنفوس البشر إنطبع=والله يعلم بجود النفوس وشحيحها
ياما اشتقينا بشيء وإنتهى مانفع=سود القلوب الشقية صعب تفريحها
واللي يجي بالسهالة مثل ماجا انقلع=والكايدة بالمضوى كيد تسريحها
دنيا غريبة عجيبة محد منها قنع=عجله مقابيلها عجلة مراويحها
الكل من ديسها ياشاعرتنا رضع=حنا مهاوينها وحنا مذابيحها
كل قلب من نارها ياشاعرة إنلسع=خسران من غرته دنيا وتمديحها
ونموت مافيه طبٍ(ن)من وجعها نجع=مهما شكينا من الدنيا وتلفيحها
الصبر نعمة من الله والتقى والورع=تكبح لنفس البنادم عن تصاريحها
عشر دقائق كتبت من الفكر ماوسع=عجلات الأفكار هاضتني مساميحها

المشاركة الأصلية كتبت بواسطة طارق العبيدي (المشاركة 163474) اليا بغيت أصدح بصوتي شرق وأنقطع = واليا سكتْ ألفت الدنيا مشاويحها صح لسان الشاعرة وسلمت يمناك اختي عبير الشوق كلك ذوق تقبل مروري المتواضع وشكري السامي ودي وتقديري

المشاركة الأصلية كتبت بواسطة binhlailبن هليــل (المشاركة 163476) مشرفتنا المتألقة صح لسان الشاعرة وصح لسانك على الذائقة الراقية استوقفتني القصيدة لما فيها من صور شعرية رائعة ومعبرة حبيت أجاريها على عجل بهذه الأبيات المتواضعة أمل تلاقي إستحسان من يمر من هنا وسوف أطرحها لاحقا بالقسم إن شاء الله [/poem]

المشاركة الأصلية كتبت بواسطة فارس زمانه (المشاركة 163483) يعطيك العافية اختيار رائع ورد من استاذ الشعر اكثر روعة