كان الأمل قبل الفراق انتوادع=ونجدد عهود الوفا بالتلاقي
قدام لا الأيام تنصب قواطع=ونفوسنا تتعب ببعد وفراقي
نكبح جموح أشواق ننهي مواجع=لو التقينا بلهفةٍ(ن)وإشتياقي
لكن ظروف البعد قامت تسارع=مشت بعكس اللي قبل كنت هاقي
متوازية احظوظنا ما تقاطع=واليأس كل اللي يصادفه حاقي
كل ما رسمت لحلم جا له موانع=ما عاد باقي للأمل فيَّ باقي
غديت كني من هواة الطوابع=أجمع قديمي وأحضنه في عناقي
من عقب حظي سد كل الشوارع=في حاضرٍ(ن)حلاه مر المذاقي
عقلي وقلبي والمشاعر تصارع=صراع فرسٍ(ن)مع عرب بالعراقي
عجزت الاقي حل جوف المراجع=الحلم والواقع تحدى الوفاقي
ما حيلتي إلا بطق الأصابع=لا الروح مرتاحة ولا الفكر راقي
لا ضاع حلم العمر ماني بطامع=في باقي الأيام تطف إحتراقي
حلمي وحيد وفيه راضي وقانع=وإن ما تحقق ما نفع فيَّ راقي
حكم القدر سره على الروح باتع=حتى تلف لساق من فوق ساقي
كان الأمل قبل الفراق انتوادع=ونجدد عهود الوفا بالتلاقي