مليون مرّة
 

السلام عليكم



اترككم مع هذه القصيدة المتواضعه


اتمنى تعجبكم






كــانك تبيني مرّة انــا اتمـــناك **( مليون مرّة )كــــل لـــحظــة وادّورك !!

في غيبتك مشغول فكري بذكراك ** وفي جيتك..لو مالك اعذار عاذرك !!

كان الجفى دين (ن) تبعته بدنياك ** انا ترى كافرك... كافرك... كافرك !!

احـــــبك من اخرك لاولك لاقصاك ** اهـــــواك من اقصاك لاولك لاخرك !!

قلي شلون اوصفك ما اكثر مزاياك ** يابو مشاعر ليه حيّرت شاعرك !!

من يوم حبيتك وانا كل مالقاك ** تـناظر عيوني (واضيع) ولا انـظـــرك !!

تكفى ليا ناظرتبك صد مناك **( ابتــمقـل) فــــي جـــــمالك وســـكّرك !!

وكانك تخاف اتغير بيوم واجفاك ** قلبي معك كلي معك كيف ابهجرك !!

والله ما اتغير واببقى وانا اهواك ** بس انت اخاف ان الليالي تغّيرك !!




تحياتي

رد: مليون مرّة
 

صح الذي بالاسم بالقاف سماك= مبدع وكلمة حق بالقاف خابرك

ابدعت فيما خطت القاف يمناك= يازين قاف(ن) يكتب البيت شاعرك




صح لسانك يامبدع القاف مدد ماهو عدد وتقبل تحيات ابو فواز

رد: مليون مرّة
 

صح لسانك وبيض الله وجهه


في غيبتك مشغول فكري بذكراك ** وفي جيتك..لو مالك اعذار عاذرك !!

هذا البيت يكون أجمل لو كان بهذه الصورة


في جيتك مشغول فكري بمحياك ** وفي غيبتك..لو مالك اعذار عاذرك !!

لأن الحضور يشغل عن الذكرى والغياب هو الذي يكون له أسباب


والله يعطيك العافية


تقبل مروري و تحيتي

رد: مليون مرّة
 

اخوي الشاعر / راع الصدق

شرفتني بمرورك قسم بالله



وصح لسانك يابو فواز على ابياتك


اللله لايهينك
ويبيض وجهك
تقبل تحيات اخوك / مبدع القاف

رد: مليون مرّة
 

رد: مليون مرّة
 

هرمنا واستاذنا / ابن هليل




شكرا لك على مرورك


وبما انك علقت على القصيدة اسمح لي بالرد




اوول شي :

على ماقالوا ( المعنى ببطن الشاعر )

وانا ابياتي لها معنى اعمق من اللي تصورته


انا قلت :( في غيبتك مشغول فكري بذكراك ) وهذا البيت واضح وشي طبيعي ان المحب ينشغل بذكرى حبيبه في غيابه !!

الشطر الثاني : ( وفي جيتك لو مالك اعذار عاذرك ) وهذا الشطر اعني فيه " عند حضور الحبيب بعد غياب لا اهتم وانسى غيابه واسباب غيابه حتى ولو كان بدون عذر فانا من شدة الفرح بحضوره نسيت غيابه واسباب غيابه "




الشي الثاني : بيتك اللي كتبته والاجمل من وجهك نظرك ( ثقيل وزناً )





ولك كل الحب



تحياتي

رد: مليون مرّة
 

همسات شاعرية






الله لايحرمنا منك ومن همساتك الشاعرية



ولايحرمنا من قلمك الحساس والمفعم بالحب




دمتي لنا






تقبلي تحيات اخووك / مبدع القاف

رد: مليون مرّة
 

.. مبدع القاف ..


رائع قلمكـ .. وفكرك وحسكـ

مبدع كأسمكـ ..

والله يعطيك العافية

وننتظر جديدكـ


تـ ح ـيآاااتي


.

.

رد: مليون مرّة
 

اخوي ومشرفنا الغالي / السيف



اذا كان ماكتبته انا رائع من وجهك نظرك ... فالاروع تواجدك ومرورك




الف شكر على مرورك





والله يعطيك العافية





تقبل تحياتي

رد: مليون مرّة
 

مبدع القاف

فعلا انك مبدع لقد ابدعت

بكل معاني الحب والوفاء

والمشاعر الجميله ...

سلمت يمينك وصح لسانك

وبيض الله وجهك تمنياتي

لك بالتوفيق من حسن الى

احسن ...ماشاء الله كل يوم

نرا فن جديد ..لك التحيه