يا سيدة كل البني الخراعيب...=قلبي تولع فيك والروح ولفتك...
لكن بعادك عذب القلب تعذيب...=ماله دوا إلا علاجك و وصفتك...
لو التقينا يمكن بشوفك يطيب...=لكن متى تفرح عيوني بشوفتك...
قدام نبض القلب من جرحه يعيب...=تبرا الجروح ليا تهنت بوقفتك...
هواك هذب قاسي القلب تهذيب...=صار الموالي للهوى بين صفتك...
يعشق رضاك ولا دخل باطنه ريب...=يشتاق يسمع جد حكيك وطرفتك..
يا حلوها لحظات حكي وتعاجيب...=لا عانقت لهفة غرامي للهفتك ...
لا من غشانا الليل جتنا تحاسيب...=احلام ليلي من حواليك لفتك...
أفكارنا تسري مع الطيف وتجيب...=روحي معك بالليل من حين عرفتك...
وأنا بليل الشوق عاوى كما ذيب...=ترجف ضلوعي لا تخيلت رجفتك...
ما عاد ينفع بيّ طب الأطابيب...=إلا عسل موصوف من ريق شفتك...
جانيه نحل الحب من منبت الطيب...=طعمه ولونه رجحت ليّ كفتك...
يا سيدة كل البني الخراعيب...=قلبي تولع فيك والروح ولفتك...