عكرت جوي ماهقيت بيصفي...!=ضاع العمر ما حقق المقصود...!
الأمر خارج عن يدي من كفي...!=تدبير ربٍ(ن)واحدٍ(ن)معبود...!
الحظ ضيع في زماني شفي...!=أهب يا حظٍ(ن)ردي مقرود...!
العمر روح والهجوس تهفي...!=ما نلت من طرد الشقا مردود...!
الزين عود في زماني خلفي...!=والشين منها بالأمام قعود...!
القلب يحلم والعيون ترفي...!=ما جبت فيدة بالليال السود...!
غير المواجع والعنا واللهفي...!=باقي حلومي بالحياة رقود...!
ارتاح يا عقلي وخل المقفي...!=تبع المقفي مضيعة مجهود...!
طرد المقفي يا زماني يحفي...!=منقود للي يعرف المنقود...!
الحلم للموجوع صعبٍ(ن)يشفي...!=واللي مضى من عمر صعب يعود...!
هرجٍ(ن)بليا فعل ما بيكفي...!=وأصعب طريقٍ(ن)بالحياة صعود...!
الزيت فوق النار كيف يطفي...!=والماء يحودر ما يعود سنود...!
يا رب سترك يا كريم تضفي...!=على عبادك يا كثير الجود...!
يا عالم بالجهر مثل المخفي...!=علمك وفضلك ما يعرف حدود...!
عكرت جوي ما هقيت بيصفي...!=ضاع العمر ما حقق المقصود...!

المشاركة الأصلية كتبت بواسطة مهاجر (المشاركة 180618) صح لسانك قصيدة رائعة الله يعطيك العافية

المشاركة الأصلية كتبت بواسطة وافي الوافي (المشاركة 180619) صح لسانك وسلم بنانك احسنت لله درك

المشاركة الأصلية كتبت بواسطة نجم العرب (المشاركة 180621) صح لسانك مدد ماهو عدد وفيت وكفيت لا هنت تقبل التحية

المشاركة الأصلية كتبت بواسطة روح القصيد (المشاركة 180624) صح الله لسانك شاعرنا المتألق ربي ما يحرمنا منك

المشاركة الأصلية كتبت بواسطة العبدلي (المشاركة 180626) صح لسانك يا سيد القوافي ابداع متواصل