لأجل كلمة منك يا عذب اللما قلت:القصيده=قلت:واو...اللي بعدها قلت لي:صح اللساني
وأنت تدري يا بديع الحسن باللي منك نريده=ما نريد إلا وصالك بالعمر لو هي ثواني
الغلا بالقلب منزاله ومنطوقي جريده=تنشر اللي يشعره قلبي من إحساس ومعاني
يا فريدة بالنساء ما غيرها عندي فريده=خبريني عن مكاني بالحشا وينه مكاني
وضحي لي يا غناتي لو مسافاتك بعيده=المشاعر ما تعرف البعد وظروف الزماني
لا تكوني يا هوى روحي بذا الدنيا عنيده=المعاند يقتل إحساس المحبة يا فلاني
إرجعي لي يا غناتي مثل ماكنتي عضيده=تزرعين الشوق فيني بالخفي وبالبياني
هيجيني للغرام وذكريني بالنشيده=خلي الدنيا بعيني جنتك حلو الثماني
يا هوى بال المعنى صدك القاهر يبيده=والمواصل يا بعد حيي يجي له طعم ثاني
وإن تماديتي بهجرك ما بها قصة جديده=جمرة الهجران تحرق للحشا والعمر فاني
لأجل كلمة منك يا عذب اللما قلت:القصيده=قلت:واو...اللي بعدها قلت لي:صح اللساني